На Мечкин Камен се чествуваше денес големиот македонски празник Илинден. Владината делегација која го одбележа таму овој ден, ја предводеше премиерот Зоран Заев.

Граѓаните кои беа собрани на Мечкин Камен скандираа „Северна, Северна“…

Делегација на ВМРО-ДПМНЕ, предводена од потпретседателот Александар Николоски, денеска беше во Крушево. Тој во изјава за медиумите рече дека утрово биле спречени да положат цвеќе во споменикот Македониум на гробот на Никола Карев.

Николоски посочи и оти не била испочитувана традицијата, опозицијата да седи во првиот ред.

Во исто време сакам да истакнам дека почитувајќи го големиот национален празник делегација голема на ВМРО-ДПМНЕ, како што гледате позади мене, е тука да оддаде почит, но очигледно на власта не ѝ се допаѓа постоењето на ВМРО-ДПМНЕ и затоа утрово бевме спречени да положиме венец на споменикот Македониум на гробот на Никола Карев, а исто така ни беше оневозможено да се упатиме и кон Слива и моравме во приватна организација да одиме на двете места. Доаѓајќи овдека очигледно од организирани партиски луѓе, исто така, не бевме удостоени со соодветен пречек и првпат се наруши традицијата која што секогаш била а тоа е опозицијата да е во првиот ред на прославувањето на Илинден – рече Николовски.

Како изгледаше тоа, погледнете во продолжение: