Вечерва нашата претставничка Тамара Тодевска ги остави без здив по втор пат присутните во Те Авив.
Таа настапи во првата половина од финалето под реден број 8, а од срце ја пееше нејзината песна која доби многу позитивни коментари „Proud“.
Додека цела Европа се восхитуваше на нејзината изведба, ние стискаме палци и ја бодриме, а најчест коментаро до сега за песната на Тамара е дека вакво нешто до сега и се нема случено на Македонија.
Тамара Тодевска буквално растури на евровизиската сцена. Моќно и женствено со нејзиниот ангелски глас, таа предизвика овации кај публиката, а кај нас предизвика возбуда и надеж за победа.
Македонската претставничка Тамара, уште еднаш покажа дека Македонија е достојна за ваква манифестација доминирајќи на сцената во Тел Авив. Таа ја пееше „Proud“ од срце а ние сме благодарни на неа што не претстави во најдобро светло.
Инаку по цели шест години, Тамара успеа да ја пласира Македонија во финалната вечер на Евровизија со што ова е прво претставување на нашата земја во завршницата на европското музичко натпреварување и затоа еуфоријата, но и притисокот се уште поголеми.
– Верувам во нас и сум горда на сите нас. Бројот осум симболизира бесконечност, а тоа значи дека сум бесконечно среќна со целиот мој тим – изјави Тамара од Тел Авив за Женски Магазин.
Инаку ова е 64то издание на изборот за песна на Евровизија, а се одржува во Тел Авив.
Во вечерашното финале настапуваат 26 земји, а ќе можат да гласаат сите учесници односно 41 земја.
Погледнете го нејзиниот настап:
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.