Во интервју за телевизија Алсат, францускиот амбасадор во Скопје Кристијан Тимоние истакнува дека случајот за борбата со корупција, кој воедно е еден од условите за влез на Македонија во ЕУ,   може да влијае на одлуката на Франција во врска со датумот на преговорите. Конкретно Тимоние, говори за аферата Рекет и проблемот со Специјалното обвинителство.

-Сликата за Балканот, која преовладува меѓу населението во Франција, е слика на регион каде што се случува насилството и каде има корупцијата … Случаите со кои зборувавме не одат во насока на подобрување на таа слика, што е, се разбира не единствена кога станува збор за овој регион, но мораме да започнеме од оваа гледна точка, вели Тимоние.

Според Тимоние, постои комплетна листа на точки поврзани со борбата против корупцијата, одвојувањето на државата од партијата, реформите во администрацијата и полето на медиумите.

–Сите овие точки, за жал, се во суштина случај за кој зборувавме. Во иднина, можеби ќе постои решение за овие работи во рамките на тој закон. Мислам дека треба да се земат предвид две работи. Прво, за рекетот, за телевизијата, за наводната врска со политичарите, треба да се види како овие прашања ќе бидат решени во тој прв конкретен случај. Второ, е како ќе биде реакцијата на вклучените политички сили да најдат трајно решение кое ќе ја врати довербата кај луѓето тука во северна Македонија, како и нашата доверба во владеењето на правото и владеењето на правото.

Не можам да предвидам кои одговори ќе бидат дадени. Има уште време да реагираме,
да ја вратиме таа доверба, но сигурно очекуваме нешто да се направи,вели Тимоние
во интервјуто.