За време на овој викенд времето во Македонија ќе се задржи пооблачно, а ќе има услови и за сосема слаб локален и краткотраен дожд.

Особено денес, и тоа Долж Повардарието ќе дува умерен, повремено засилен ветер од северен и од северозападен правец. Температурите ќе бележат тенденција на пораст, и тоа поради продор на потопла воздушна маса од југ и истите ќе се искачуваат во интервалот од 9 до 16 степени.

Во Скопскиот регион викендов ќе се задржи пооблачно време, а особено денес ќе има услови за слаб локален и краткотраен дожд. Исто така, денес ќе дува умерен ветер од северен правец, и истиот повремено ќе засилува на интензитет.  Температурите ќе бележат тенденција на пораст и ќе се искачуваат во интервалот од 11 до 15 степени.

Потоа од понеделник ќе имаме уште потопло време, како и повеќе сончеви периоди, иако уште во понеделник ќе има услови за локален краткотраен дожд.  Температурите ќе бележат тенденција на понатамошен пораст, и истите од понеделник па натаму ќе се искачуваат во интервалот од 12 до 18 степени, додека во најтоплите предели иситите има услови да се искачат до околу 20 степени.

• За нови, детални и по потреба обновени метео информации, следете го официјалниот фејсбук профил на Славчо Попоски тука