Шефицата на организираниот криминал Вилма Русковска во вечерашното гостување во 24 отворено потврди дека никој официјално досега не понудил спогодба за случајот „Рекет“и дека не ја исклучува можноста лидерот на ВМРО-ДПМНЕ, Христијан Мицкоски да биде повикан на распит за случајот „Рекет“. 

Во вечерашното интервју Рускоска изјави дека не очекува одовлекување на случајот и смета дека нема многу обвинети во случајот.

Доказниот материјал е обемен и не очекува дека во наредните три дена ќе биде оценет обвинителниот акт од кога бил поднесен.

Обвинителката Вилма Русковска потврди дека постои фотографија со Катица Јанева и 50.000 евра во кеш.

На прашањето како 50.000 евра фотографирани пред Катица Јанева ги поврзала со парите од сведокот Орце Камчев, одговори дека тоа го направила според анализата на компјутерскиот форензичар.

– Компјутерскиот форензичар ме увери во веродостојноста, односно неговата анализа – рече Русковска.

Во врска со тоа дали клучните искази против Јанева се од нејзината колешка Лиле Стефановска и обвинетиот Кичеец, Русковска рече:

„Тие не дале исказ на главна расправа, не можам да зборувам за искази на главна расправа, судиите треба да ги слушнат тие искази во судница“ – рече Русковска.

Русковска рече дека не ја исклучува можноста лидерот на ВМРО-ДПМНЕ, Христијан Мицкоски да биде повикан на распит за случајот „Рекет“. Изјави дека пред Мицкоски да покажува документи за кои тврди дека се од истрагата „Рекет“, таа му се јавила на телефон.

Пред да мавта со тие работи, го побарав на телефон затоа што имаше изјавено дека никој не го викнал во Основното јавно обвинителство, а тој знаел и за други случаи. Го прашав за кои случаи има сознанија, рече дека тој тоа не го кажал. Го прашав дали има сознанија за други луѓе од кои биле барани пари, рече ќе размисли. Бев презафатена со други работи. Јас сум сигурна дека нема да сака да помогне, но не ја исклучувам можноста да биде повикан, рече Русковска.