Владата на САД има широк план за вонредни состојби во случај на смрт на лидерот на Северна Кореја, очекувајќи масовна хуманитарна криза во земјата.

Извори на „Фокс њуз“ разговарале за овие планови по контроверзните здравствени извештаи на водачот на Северна Кореја, Ким Јонг Ун. Тие исто така повикуваат на претпазливост со овие извештаи, според кои Ким се соочува со опасност по живот, по кардиоваскуларна постапка.

Иако сè уште не е познато која е правата вистина за неговото здравје, американската влада веќе направи големи планови во случај Ким да го нема, изјави изворот на Фокс Њуз, за кој се вели дека е високорангиран разузнавач.

Изворот изјавил дека е голема голема хуманитарна криза во Северна Кореја, во која милиони луѓе би се соочиле со гладување и масовен егзодус во Кина.

Разузнавачот наводно изјавил дека големиот дел од планот е да се потпира на Кина да зачекори и да помогне во контролата на ситуацијата на севернокорејското тло. Делумно заради близината на Кина, а делумно и заради логистичкиот предизвик што САД ќе го има во давањето хуманитарна помош.

Претседателот на САД, Доналд Трамп, му посака добро здравје на водачот на Северна Кореја, Ким Јонг Ун.

Тој ова го рече на прес-конференција на новинарите, на прашањето што мисли за наводното лошо здравје и операција на Ким, објави Фокс њуз.

Овие извештаи се појавија, но не знаеме за сигурно. Имам многу добар однос со него. Само можам да кажам дека сакам тој да се излекува, затоа што ако тој е во состојба, каква што велат медиумите, тоа е многу сериозна состојба. Исто така му посакувам добро здравје “, рече Трамп.