66- годишниот Стив Бенон кој е еден од оние кои му помогнаа на Трамп за победата на претседателските избори во 2016 година а воедно и негов поранешен советник, тврди дека новиот Ковид-19 всушност е побегнат од лабораторија од Вухан, а воедно и кинескиот град го нарече „биолошки Чернобил“, при што, во однос на смртноста, „нултата точка“ била околу лабораторијата.

– Како и во Чернобил, се обидуваа да сокријат што се случило. Независно од тоа дали вирусот дошол од пазарот или од лабораторијата во Вухан, Комунистичката партија на Кина и нејзините натамошно одлуки се одговорни за убиство со предумисла, смета Бенон.

Имено тој е еден од оние кои бараат поагресивно однесување кон Кина. 

Експертите од кинеската лабораторија во Вухан „побегнаа“ на Запад и во рацете на западните разузнавачки служби, тврди Стив Бенон.Знам дека некои бегалци соработуваат со Федералното истражно биро (ФБИ) за да се утврди што точно се случило на Институтот во Вухан, рече Бенон.

Тој вели дека сега разузнавачките служби собираат докази за тоа дали вирусот се проширил случајно односно побегнал од лабораторија во Вухан, при експеримент за развој на вакцина и лекови против вирус од типот САРС.

– Мислам дека разузнавачките агенции имаат информации во електронска форма и дека потполно анализирале кој имал пристап во таа лабораторија. Мислам дека имаат убедливи докази.Луѓето од тие лаборатории ја напуштиле Кина и Хонгконг од средината на февруари. Американската разузнавачка служба, МИ5 и МИ6 настојуваат да соберат сеопфатни докази против Кина, за што ќе им треба многу време. Ова не е филм за Џејмс Бонд, додаде тој.