Деновиве македонскиот ракометар Столе Стоилов се најде во центарот на вниманието поради веста дека ќе стане татко.

Откако за „Бекстејџ“ веста ја потврди член од семејството на Стоилов и изјави дека сите се многу радосни за приновата, „Еспресо“ објави фотографија од убавата девојка на Столе, младата уметница Деница Огненоска.

Македонскиот ракометен репрезентативец, Стојанче Стоилов кој беше познат по цврстиот став за не промена на името на нашата држава по политичките случувања во Парламентот и донесената одлука за Уставни измени со кои беше овозможено преименувањето во „Северна” Македонија, минатата година жестоко реагираше на социјалните мрежи.

„Ментално нестабилни сме сите во државава што дозволуваме вака да ни прават! Срам да ни е на сите! За мене секогаш ќе биде МАКЕДОНИЈА“ – напиша Стоилов.

Стојанче Стоилов е македонски ракометар  кој настапува за РК Вардар и за Македонската ракометна репрезентација.

Во првиот четвртфинален натпревар од Лигата на шампионите, којшто „Вардар“ го одиграл против полскиот „Кјелце“ во Скопје, на 11 април 2015 година, Стојанче Стоилов бил избран за дел од најдобриот тим на колото,а нешто подоцна, според гласовите на гледачите на Лигата на шампионите, бил прогласен за најдобар играч во првото коло од четвртфиналето.