Пожарот во катедралата Нотр Дам, кој беснееше со часови и кој со тага го следеше целиот свет, сепак оставил нешто недопрено. 

Веднаш по гасењето на пожарот во кои беа ангажијани петстотини пожарникари, од кои еден тешко повреден, крстот стоеше исправен и воопшто не бил зафатен од пожарот.

Пожарот во катедралата Нотр Дам беше ставен под контрола дури во 3 часот по полноќ, а по осумчасовната огнена стихија, како што соопшти противпожарна служба на Париз, еден од пожарникарите се здобил и со тешки повреди.

Пожарот брзо се распламти, а успеа да ги проголта главната кула, која потоа се урна, а набрзо и целиот покрив по неа. 

Но освен крстот, огнената стихија ја преживеале и познатите витражи од Нотр Дам и покрај првичната информација дека се уништени.

Стаклените прозори стари 800 и 900 години останале недопрени во пожарот кој беснееше во поголемиот дел од познатата црква.

-На основа на тоа што го видов витражите не се оштетени, прозорите се од 12 и 13 век и понатаму се таму – рекол портпаролот на катедралата Андре Фино, oва е чудо, сега ни е малку полесно – dodal Fino.

Покрај тоа неуштетени останале и оргулите.

Богородичната црква (Notre Dame de Paris) е готска катедрала на источната половина на островот Ил де ла Сите на реката Сена, со главен влез од западната страна. Ова е катедрала на Париз и седиште на архиепископот на градот. Богородичната црква се смета за најубавиот пример за француската готска архитектура. Името „Нотр Дам“ на француски значи „Нашата Госпоѓa“ (Богородица или Дева Марија).