Јак земјотрес го погоди островот Сулавеси во Индонезија со јачина од 7,1 степени по Рихтер.
Силниот земјотрес е со епицентар во Молучкото Море во близина на островот Сулавеси, на длабочина од 10 километри. Тамошните власти предупредија на можно цунами, а со тоа се предизвика голема паника кај населението.
Според пишувањето на медиумите за сега нема информации за жртви, а се знае дека голем број од постарите градби се урнати.
Над 200 000 жители и туристи во моментов се евакуираат од страв пред разорното цунами. Местоположбата на Индонезија на рабовите на тихоокеанските, евроазиските и австралиските тектонски плочи е причина за бројните вулкани и честите земјотреси.
Индонезија има најмалки 150 активни вулкани вклучувајќи ги и Кракатау и Тамбора кои се познати по разурнувачките ерупции во 19 век. Ерупцијата на супервулканот Тамбора пред околу 70 000 години беше еден од најголемите ерупции и претставуваше глобална катастрофа.
Неодамнешните катастрофи кои се резултат на сеизмичка активност се цунамито во 2004 година во северна Суматра кое имаше околу 167 736 жртви и земјотресот Јогјакарта во 2006 година. Сепак, вулканскиот пепел придонесува за големата плодност на земјата и е причина за големата густина на населеност на Бали и Јава.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.