Словенечката влада на премиерот Јанез Јанша ги разреши шефовите на полицијата, војската и разузнавачките и безбедносните служби на Министерството за одбрана (ОВС).
Ова е направено на седница на владата рано утрово, а одлуката ја објави на прес-конференција министерот за одбрана Матеј Тонин.
Полицискиот комесар Татјана Бобнар, началникот на Генералштабот Аленка Ерменц и директорот на ОВС Дејан Матијевиќ беа отпуштени од работа.
Тие ќе бидат заменети со Антон Трагнер, Роберт Главас и Андреј Осолник.
Бозо Предалиќ беше назначен за нов секретар на Владата, додека Миро Петек беше назначен за шеф на службата за печат.
На седницата беа назначени и државни секретари во министерствата, како и раководители на оддели.
Неодамна со 52 гласови „За” словенечкото Собрание го изгласа Јанез Јанша за нов мандатар за состав на Влада.
Гласањето беше тајно, а беше по предлог на претседателот на државата Борут Пахот, откако по состаноците со парламентарните партии беше јасно дека е формирана нова мнозинска коалиција меѓу СДС (Словенечка демократска партија), СМЦ (Партија на Модерен Центар), ДеСУС (Демократска Партија на пензионерите во Словенија) и НСИ (Нова Словенија).
Инаку 61 годишниот словенечки премиер беше на чело на словенечката влада од 2004 до 2008 и од 2012 до 2013 година.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.