Според тврдењата на просветниот инспектор, Ѓорѓи Илиевски, кој утврди дека тројца актуелни функционери незаконски напредувале во своите научни звања, на Правниот факултет, при Државниот универзитет во Тетово, ќе биде извршен вонреден инспекциски надзор.

Вонредниот надзор ќе го врши раководителот на секторот за инспекциски надзор, Афри Саљију, кој, според просветниот инспектор Ѓорѓи Илиевски, има голем конфликт на интереси.

Во писмото кој го објави вчера просветниот инспектор, Ѓорѓи Илиевски напиша дека не е изненаден од директорот на Државниот просветен инспекторат, Томе Спироски, и раководителот на Секторот за инспекциски надзор, Африм Саљиу, со ваквото соопштение бидејќи тие му вршеле притисок со закани да се повлечат записниците и да не се праќаат решенија, оти ќе трпи последици ако не ги повлече записниците.

Таквите закани биле на одржаниот состанок на 10.05.2019 година во канцеларијата на директорот, каде што биле присутни неговите колеги Предраг, Зоран, Весна, Христина, Даниела, Снежана.

Како што вели Ѓорѓи Илиевски, Саљији не смее ни да влезе во овој факултет бидејќи неговата ќерка работи таму.

-Самото негово одење таму има судир на интереси бидејќи на тој Правен факултет каде што извршивме инспекциски надзор е вработена неговата ќерка. Тоа е судир на интереси тој да истражува. Ќе биде интересно да се види што ново ќе откријат по нашите документи – изјави Илиевски за ТВ 24.

Илиевски изјави дека со вонредниот надзор ќе се настојува да се промени неговото решение, со цел, како што вели, Инспекторатот да го заташка случајот.

Ѓорѓи Илиевски, виш просветен инспектор и раководител во одделението за инспекциски надзор во високото образование, ги откри незаконските професорски дипломи на министерот за образование, Адеми, и на заменикот во МВР, Нухиу. 

Министерот за образование, Арбер Адеми, иако бил поканет на денешната свеченост, тој не присуствуваше на свеченоста на скопскиот универзитет „Мајка Тереза“ по повод одбележувањето на првата генерација на дипломци. 

Како што пишуваат медиумите Министерот најверојатно не дошол на свеченоста од голем срам, после избивањето на аферата, дека е еден од функционерите кои незаконски напредувале во научни звања на Државниот универзитет во Тетово (ДУТ), кое го откри просветниот инспектор Ѓорѓи Илиевски.