На денешната 141 седница Владата донесе одлука да бидат доделени 30 милиони денари на Ракометниот клуб,европскиот првак, Вардар.
Триесетте милиони денари ќе бидат доделени за освоената титула на Р.К.Вардар кој по втор пат стана Европски шампион во ракомет.
На денешната седницата беше одлучено освен на Р.К.Вардар, парични средства да бидат доделени и на Бесир Алили, и тоа еден милион денари за европската шампионска титула во борење. Алили успеа да ја освои европската титула во категоријата кадети а освен на него, ќе бидат доделени и 300 илјади денари на неговиот тренер.
Бесир Алили, вчера освои златен медал на Европското кадетско првенство во Фиренца, Италија. Тој инаку тренира во македонскиот боречеки клуб „Лирија“ и стана европски шампион во борење во категоријата слободен стил до 48 килограми, откако во финалето победи со 7-6 против Харутјун Хованисјан од Ерменија.
Инаку до сега во Македонија се нема случено некој да добие затен медал на Европско кадетско првенство, па Алили е првиот кој на нашата држава и донесе ваква титула во оваа вештина.
До сега македонските борачи на кадетските првенства имаат освоено 8 медали од кои три сребрени и четири бронзени, и една единствен златен медал кој вчера отиде во рацете на Алили.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.