Владимир Милчин удри по министерот Адеми: "КАКО НЕ ТИ Е СРАМ"

Професорот Владимир Милчин денеска ја искоментира и изјавата дадена за Радио Слободна Европа на министерот без ресор Едмонд Адеми.

Фото/Текст извор: ©онлине / магазин

По отворањето на пицеријата кај Чинарот во Охрид не остана рамнодушен ни професорот Владимир Милчин, па напиша жесток коментар на својот Фејсбук профил. Тој повторно се огласи на социјалните мрежи и ја искоментира изјавата на министерот без ресор Едмонд Адеми.

Ние сме хистеризирале? Не министерот ги извртува фактите! Се обидува да го одбрани неодбранливото. Пицеријата кај Чинарот се скали? Хотелот во Лагадин е гаража? Како не ти е срам?, напиша Милчин на својот Фејсбук профил.

Нефи Усеини советникот од Општина Охрид, синоќа заедно со градоначалникот на Струга, Рамиз Мерко, ја пресече црвената лента на церемонијата, по повод отворањето на пицеријата, која е дивоградба лоцирана кај Чинарот во Охрид,

Милчин исто така на социјалните мрежи го искоментира отворањето на пицеријата кај Чинарот во Охрид. Сопственик на локалот „Луна“ е Нефи Усеини, советник од ДУИ, а објектот е изграден на државно земјиште и во заштитен појас на УНЕСКО.

Оваа фотографија е прст во окото на сите кои се бореа и се борат за право и правда. Наакана и дрска порака: МИ СЕ МОЖЕ, БРЕ! Носете се вие заедно со УНЕСКО! Партискиот пазар гази без оглед на здравиот разум и триумфира во срцето на Охрид, карши Чинарот.

Ако може да се лаже УНЕСКО, може и да се газат критичките гласови и здравиот разум, коментира Владимир Милчин.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.