Читаку е амбасадорка на Косово во Соединетите држави од 2015 година и нејзината работа е многу пофалена со текот на годините, пишува „Репортери“. Оставката на Валона Читаку од функцијата амбасадор на Косово во САД следеше по нејзиното барање за оставка, испратено до косовскиот претседател Хашим Тачи на 24 септември, пренесуваат Репортери.

Во барањето, таа изрази подготвеност да продолжи да остане во Вашингтон до назначувањето на нов амбасадор.

Според „Репортери“, враќањето во Читаку од мисијата во САД започнало во март годинава, кога тогашниот министер за надворешни работи Глаук Коњуфца решил да ја разреши од таа должност, пренесува Косово на Интернет.

Нејзиното разрешување предизвика бројни полемики, сè додека самата Читаку не излезе во јавноста и рече дека ќе ја почитува одлуката на Министерството за надворешни работи.

– Секако, ќе го почитувам барањето на Владата на Република Косово. Иако ми е јасно дека само Претседателот на Косово има право да именува и разрешува амбасадори на Република Косово, а јас сум задоволна од фактот што е веќе познат низ целиот свет, дека сум несакана – напиша Читаку на Фејсбук.