ВМРО-ДПМНЕ и Коалицијата „Обнова за Македонија“ ќе ја започнат изборната кампања за претстојните локални избори од Охрид.

Тие ќе ја започнат преку собир на отворено кај Антички театар во Охрид, кој треба да започне вечерва во 18 часот.

Изборната кампања ќе трае 20 дена, а ќе заврши на 15 октомври на полноќ.

Додека пак караванот „Најдоброто за мојата општина“ СДСМ денеска ги започнува своите активности во рамки на кампањата за претстојните локални избори, соопшти СДСМ.

Денешниот централен настан е закажан во Битола во 20 часот, а претходно караванот ќе биде со граѓаните на Демир Хисар.

Во вторник караванот е во скопските општини Чаир и Кисела Вода, по што ќе следува предизборна конвенција на кандидатот за градоначалник и листата за советници за Град Скопје.

Караванот своите активности ги завршува на 15 октомври со голем граѓански настан во Куманово.