„Пред седум дена го пријавивме првиот случај на коронавирус во земјата“, рече Коџа. „Денес морам да објавам тажна вест затоа што еден од заразените пациенти почина. Имаше 89 години“.

„Бројот на регистрирани случаи се зголеми на 51 и во моментов изнесува 98“, продолжи турскиот министер за здравство.

Коџа изјави дека човекот кој починал од вирусот бил заразен од својот кинески колега.

Бројот на заболени од новиот коронавирус во светот го надмина психолошкиот праг од 200 илјади случаи, и денеска тој изнесува 204.732. Вирусот досега погоди 170 држаи и територии во светот, при што бројот на смртни случаи се искачи на 8270 жртви.

Европа денеска ја надмина Азија според бројот на смртни случаи, каде се евидентирани 3434, додека во Азија таа бројка изнесува 3384.

Италија е најтешко погодена земја во Европа, и втора во светот според бројот на заразени. Во Италија има 31.506 заболени и над 2500 смртни случаи. Критично е и во Шпанија, со 13.910 заразени и 623 смртни случаи.

На светско ниво, досега се излекувани 82.872 пациенти.