Како што пишува vecer.mk, Мерван Сулејмани или внукот на поглаварот на ИВЗ Реџеп Сулејмани е човекот кој инвестирал во изградба на дивоградбите кои никнаа на кањонот Матка.

Извори на ДУИ за вечер.мк потрдуваат дека тие се во роднинска врска и напоменуваат дека освен платформите, внукот на поглаварот на ИВЗ инвестирал и во други објекти на Матка.

Инаку Мервин Сулејмани бил близок со Блерим Беџети, градоначалникот на општина Сарај, од каде што како што пишува Вечер, нечујно минале сите камиони со материјалите за изградба на платформите, но и за други објекти, кои се носени по вода.

Инаку членовите на семејството Сулејмани биле повикани на средба за да објаснат што се случува на Матка, откако медиумите неколу денови активно објавуваа дека има дивогради во зона заштитена со закон, а на таа средба, тие не ја кажале вистината, напротив тврделе дека овие објекти се таму повеќе од 10 години. За потсетување, платформите на заштитеното подрачје на Матка никнаа преку ноќ, а се доградуваа со месеци.

Guardian минатата година го вброи кањонот Матка меѓу десетте најубави кањони во Европа кои се лесно достапни за авантуристите и нудат одлични погледи и добри патеки за шетање. Кањонот Матка е прогласен за споменик на природата и е заштитено подрачје од трета категорија, за нејзина заштитата се грижат 39 институции стои во студија на УНДП од 2010 година.