На денешното рочиште за случајот Монструм, сведочеше поранешен припадник на на МВР, кој на 13 април 2012 бил на местото Враживир, и имал за задача да ја фото-документира колата, рече дека работел на многу кривични настани, но во овој случај возилото било исчистено и средено, објави Прес 24.

– Возилото го фотографирав внатре и надвор. Потоа и го обезбедив до МВР, кое беше пренесено со влечна служба на МВР. Таму отидовме по најава на СВР-Скопје. Техничка обработка на возилото не сум извршил јас. При мојата задача се грижев да не се губат траговите. За кој настан се работи возилото не сум знаел, изјави пред судот сведокот предложен од обвинителството.

Г. М., началникот на СВР Скопје, на претходното рочиште за случајот Монструм, даде свој исказ при што посочи дека од никого не добил изјава за пронајдено возило на местото Враживир.

– На 13 април на работа бев од 7 до 15 часот. Од никого не сум добил дојава дека во Враживир е најдено возило. Од старешината Владо Мирчевски, добив сознаније дека во Враживир најверојатно е пронајдено возило поврзано со настанот на 12 април, рече тогаш сведокот.

Тој исто така посочи дека воопшто не го видел возилото.

– Ние добиваме дојави од Центарот за известување и командување, има други служби кои обработуваат оперативни сознанија, наша надлежност е за увид на место на настан, потенцира сведокот Г.М.