Малолетниците од Струмица на возраст од 14 и 17 години брутално со со лопата и со секира убиле две кучиња од расата Кане корсо, пренесе ФОКУС. 

Жална била сликата за сопственикот, кој веднап по немилиот настан повикал полиција и ветеринар, но кучињата веќе биле мртви.

Здружението за заштита на животни „Анимал ловерс“ од Струмица, информимраше за овој крвнички чин на убивање кучиња, и апелираат до МВР случајот да го истера до крај, а малолетниците на возраст од 14 и 17 години да добијат соодветна законска казна.

-Монструозните дела во Струмица продолжуваат. Две кане корсо кучиња вчера брутално убиени од малолетници. Едното со секира, другото со лопата. Сопственикот викнал полиција и ветеринар на увид, но прекасно. Кучињата се убиени од 14 и 17 годишни ДЕЦА. Бараме Министерство за внатрешни работи да го истера овој случај до крај… сторителите да добијат затворска казна или да одат во поправен дом!!!Имаме дојави дека тоа не им е прво убиство на животно!!! Тие малолетници се опасни и за околината!!!Вакви пријави мора да се сфаќат посериозно во иднина за да не биде предоцна како во сличајот.Полиција специјализирана за животни е повеќе од неопходна.Собрание на Република Северна Македонија и премиере Зоран Заев, бараме иницијатива за формирање на полиција за животни. Казни за луѓето кои ги напуштаат милениците и задолжително чипирање“, реагираат од здружението.

Како што пишува ФОКУС, изминатиот период во Струмица беа забележани повеќе случаи на убивање на животни, а граѓаните најчесто апелираа на социјалните мрежи да се откријат сторителите, објавувајќи фотографии од измачуваните мртви животни.