МВР вечерва спроведе акција во Скопје, при што е запленета поголема количина на дрога. Директорот информираше дека во акцијата е уапсено едно лице. Тој вели дека истрагата е во тек со цел за утврдување и откривање на други лица.

Над еден тон марихуана вечерва е пронајдена од магацин во скопската населба Бутел, при акција на Бирото за јавна безбедност, преку Одделот за криминалистичка полиција, а за тоа соопшти директорот Сашо Тасевски.

Бирото за јавна безбедност преку Одделот за криминалистичка полиција во рамките на засилените мерки во борбата против недозволената трговија со дрога во координација и насоки со ОЈО Кавадарци во моментов спроведува акција на подрачјето на град Скопје, при што во магацин во населба Бутел се пронајдени и одземени 12 палети во кои има еден тон и двесте и четириесет килограми (1.240 кг) наркотична дрога марихуана спакувана во полиетиленски вакумирани пакувања и црни полиетиленски вреќи, информира директорот на Бирото за јавна безбедност, Сашо Тасевски.

Директорот информираше дека во акцијата е уапсено едно лице. Тој вели дека истрагата е во тек со цел за утврдување и откривање на други лица.

-Лишено е од слобода едно лице против кого ќе биде поднесена кривична пријава по член 215 став 1 од Кривичниот законик до ОЈО Кавадарци. Истрагата е во тек со цел утврдување и откривање на други лица инволвирани во случајот на недозволена трговија со марихуана.