Триесет години навивачката група Војводи од Тетово го поддржува фудбалскиот клуб Тетекс. Беа лојални на својата љубов и кога клубот имаше успеси но и кога клубот беше на дното на лигашките табели.

Навивачката група Војводи слави 30 години од нејзиното постоење. Вчерашниот ден го искористија за голема прослава која беше низ тетовските улици и маала. Неколку генерации се сменија во оваа култна навивачка група, која впрочем е една од најбројните во Република Македонија. 30 години навивачката група Војводи од Тетово го поддржува фудбалскиот клуб Тетекс. Беа лојални на својата љубов и кога клубот имаше успеси но и кога клубот беше на дното на лигашките табели. Навивачите на Војводи секогаш беа посветени и даваа поддршка на Македонските репрезентации во фудбал, кошарка, ракомет. Исто така навивачката група Војводи често организираше хуманитарни настани, крводарителски акции, финансиска и материјална помош на тие кои им беше потребна. Овој ден обедини многу генерации, кои се сетија на најдобрите времиња од постоењето на навивачката група. Голем прој граѓани излегоа на нивните прозори и тераси за да ги поздрават, некои се симнаа да им се приклучат во прославата. Војводи слават, нека им е честит јубилејот, уште многу години навивање, уште многу успеси за ФК Тетекс.