Во болницата во Чаир евидентирано e зголемување на бројот на породувања.
Од почетокот на 2020 година, до крај на јули, извршени се 2.511 породувања, што е за речиси 300 породувања повеќе, во однос на овој период лани.
И во услови на ковид-19, работата во установата тече регуларно, како и сите прегледи и скринизи за фетусни аномалии, информираше министерот Филипче!
Протоколите за работа целосно се почитуваат поради заштита на вработените и пациентите од коронавирусот.
– Во нашата болница постојано се преземаат мерки за заштита од Ковид-19, задолжително е носење маска, на пациентките им се мери температура на влез и дозволен е влез само на пациентката што е дојдена на преглед, додека придружбата чека надвор. Исто така, е задолжително носење заштитна опрема на вработените, се врши и зајакната хигиена и дезинфекција во собите и во ходниците, а се врши и почесто земање брисеви од работните површини и од воздухот, информираат од Специјалната болница по гинекологија „Мајка Тереза“ во Чаир.
Инаку по 40 години, целосно се реновирани двете гинеколошки операциони сали во болницата во Чаир, а значајна новина е и гасификација на оваа јавна здравствена установа.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.