Грчкиот министер за туризам изјави дека сите туристи кои планираат да ја посетат Грција оваа година, ќе треба да бидат тестирани за вирусот Корона. Бидејќи сезоната започнува на 1 јули, туристите ќе треба да имаат негативен тест пред да се качат во авионот, а претпоставката е дека истото ќе важи и за туристите кои доаѓаат со автомобил.

Идејата е да се направат тестовите во земјите од каде доаѓаат туристите, така што луѓето во авионот би можеле да се чувствуваат побезбедно знаејќи дека сите патници се негативни.

Туристите доаѓаат во Грција на одмор за да се релаксираат. Тие не треба да размислуваат дали некој што сонча неколку метри од нив е заразен со вирусот корона – рече министерот Хари Теохарис.

Ккао што објави грчкиот Репортер, епидемиолозите сè уште не донеле конечна одлука. Според германскиот весник Фаз, тест за коронавирус на аеродромот во Виена чини 190 евра. Според ова, едно семејство од четири лица ќе мора да плати дополнителни 1.500 евра ако тестирањето треба да се изврши при заминување и враќање од Грција.

Теохарис призна дека овој дополнителен трошок ќе биде клучен за повеќето туристи кога ќе решаваат дали да дојдат во Грција, но изрази надеж дека производството на тестови, што ќе чини до 10 евра по човек, ќе започне до јули.

Се вложуваат многу ресурси за да се направат тестовите поевтини и подостапни за секого. Тестирањето, најверојатно, нема да биде потребно по враќањето од Грција – истакна тој.

Грција е во подобра позиција кога станува збор з акоронавирусот, таа успешно се бори против пандемијата во однос на другите земји. Нашиот број е многу помал отколку во другите европски земји. Поради оваа причина, верувам дека дополнително тестирање по враќањето од Грција нема да биде потребно – објасни Хари Теохарис.

Грчкиот министер ги повика европските власти да донесат заедничка одлука за прашања поврзани со туризмот оваа година.