Портпаролот на грчката Влада Димитрис Ѕанакопулос тивко ја потврди информацијата на Црвениот крст на Грција и противпожарните единици дека во текот на ноќта билансот на жртви од огнената стихија се искачил на 85 – дека има над 300 повредени од кои 10 се во животна опасност но и дека материјалните штети кои сега не се примарни се огромни.

Пожарот кој започна во поширокиот регион на Атина во областа Атика се појави ненадејно и се ширеше со екстремна брзина. Грчките власти се сомневаат дека пожарот можеби е и подметнат но стои и фактот дека во овој регион беа забележани пеколни температури изминатите три седмици. Во Грција помош за локализирање и гаснење на пожарот пристига од сите страни од светот.

“Ова не се моменти кога треба да застанеме. Треба да се провери секоја опожарена куќа – секое опожарено место – секое опожарено возило но и целото крајбрежје во регионот на Атика.” – ја повтори својата изјава доцна синоќа премиерот на Грција – Ципрас.

Во Грција е прогласена тродневна жалост во помен на жртвите од пожарите.

Владата на Република Македонија на 81-та седница донесе одлука да испрати финансиска помош во висина од шест милиони денари на Република Грција.