Фаворит на Артан Груби за заеднички кандидат со СДСМ за претседател на државата е Никола Димитров. Причината е едноставна, доколку Димитров ја напушти владата, Артан себе си се гледал како иден министер за надворешни работи на Р.С. Македонија. Нашиот извор од ДУИ тврди дека Теута Арифи била незадоволна што Шеќеринска веќе не во игра за претседателски кандидат, но од оние што сеуште се во финале, нејзиниот фаворит сега бил Стево Пендаровски, кого лично го смета за политичар кој има најкоректен став кон Албанците во Македонија.

Челникот на ДУИ Али Ахмети засега не се изјаснувал, но ги прашувал своите соработници за мислење. Тој вчера по средбата со премиерот Зоран Заев во Собранието истакна дека се договориле на претседателските избори да учествуваат со заеднички кандидат, а името ќе го соопштат утре. Неговиот близок соработник и член на раководството на ДУИ, Невзат Бејта, навивал за Оливер Спасовски, бидејќи сметал дека во таа комбинација СДСМ нема да може да привлече многу неопределени гласачи, па ДУИ уште повеќе ќе му треба на Заев. А штом СДСМ ќе има поголема потреба од ДУИ, тоа подобри се шансите ДУИ да си побара што повеќе позиции и влијание во извршната власт, како против услуга. Која опција на крајот ќе преовладее, ќе дознаеме утре, а спорет тоа ќе може да се мери и влијанието на Артан, Бујар, Теута и Невзат во одлучувањето во ДУИ.