Вакцинацијата во Србија започнува денес, а првите вакцини ги примија премиерката Ана Брнабиќ, министерката за труд и член на кризниот штаб Дарија Кисиќ Тепавчевиќ и епидемиологот д-р Предраг Кон во институтот Торлак.

Корисниците на домови за стари лица ќе бидат вакцинирани во првите редови затоа што се најзагрозени.

На белградскиот аеродром вчера пристигна првиот дел од контингентот вакцини на компанијата „Фајзер“.

Во контингентот има 4.800 вакцини, а според претходните најави, тие се наменети првенствено за корисници на домови за стари лица.

Агенцијата за лекови и медицински помагала на Србија веќе даде согласност за употреба и увоз на вакцините на „Фајзер“.