Амбасадорот на БиХ во Русија и поранешен сојузен премиер, Мустафа Мујезиновиќ почина утрово во Сараево.

Оваа информација ја потврди и градоначалникот на Сараево, Абдула Скака.

Тој рече дека Мујезиновиќ не се чувствувал добро во последните неколку дена, поради што се вратил од Русија во Сараево каде бил хоспитализиран во Клиничкиот центар на Универзитетот во Сараево, пишува Курир.рс.

Мујезиновиќ имаше богата политичка и дипломатска кариера. Од 1994 до 1995 година бил градоначалник на Општина Стари Град во Сараево, а од 1996 до 1998 година бил Премиер на Сараевскиот кантон.

Од 1998 до 2000 година, тој беше гувернер на Сараево кантонот, а последователно амбасадор на БиХ во ОБСЕ. Од 2004 до 2008 година, тој беше амбасадор на БиХ во Малезија и Премиер на Федерацијата на БиХ од 2009 до 2011 година.

Од 2012 до 2015 година, тој работел како амбасадор на БиХ во Велика Британија, а од 2016 година до денес бил амбасадор во Русија.

Тој работел како не резидентен амбасадор на БиХ во Ерменија, Белорусија, Казахстан, Киргистан и Узбекистан.