Министерството за труд и социјална политика денеска соопшти дека во моментот се градат и опремуваат нови осум, а се подготвува исто така и изградбата на уште 35 градинки.

Според Министерството за труд и социјална политика, со проширувањето на капацитетите на градинките и јакнењето на професионалните компетенции на кадарот се подобрува квалитетот на предучилишното образование.

Ќе бидат изградени 43 нови објекти за градинки распоредени низ целата територија на државата, соопшти МТСП. Според нивното соопштение досега обезбедени се 1.400 согласности за вработувања во градинките.

Наша заложба е опфатот на деца во предучилишно образование да го зголемиме за 50%. Во изминатите две години отворивме 24 нови објекти, со што се обезбедени дополнителни 1.272 места. Годинава за таа намена издвоивме 300% поголем буџет од лани, а нови градинки ќе се градат и преку програмата на Светска банка, која изнесува околу 15 милиони евра.

Паралелно со инвестициите во инфраструктурата, континуирано работиме на зајакнување на кадарот во градинките и надградување на компетенциите на воспитувачите/чките. Досега обезбедени се 1.400 согласности за вработувања во градинките. Почнувајќи од јунската плата којашто на поголемиот дел од вработените веќе им е исплатена, стручниот кадар во градинките доби зголемување во просек од 16 %, што е околу 3.000 денари во нето износ по вработен, се вели во соопштението на МТСП.