Во петок се празнува Свети Атанасиј Велики, Архиепископ Александриски, наречен и „око на Црквата“ е еден од најголемите богослови на Црквата кој е бранител на никејското православно исповедување на верата во Света Троица. Во црковната химнографија тој е нарекуван „стол на Црквата“, „голема труба на вистината“ и „неспоредлив борец од првите борбени линии.
“ Роден е во Александрија, во христијанско семејство од грчко потекло. Се образувал во Александриската катихетска школа и во подвижничката школа на египетските монаси, каде учител и духовен отец му бил свети Антониј Велики. На тој начин се здобил со елинско енциклопедиско образование, но и црковно – богословско. Неговиот спомен се празнува на 15 мај и 31 јануари, односно 2 мај и 18 јануари по стар стил.
На овој ден именден празнуваат: Атанас, (доаѓа од грчкото Атанасиос и значи бесмртен), Атанаска, Танас, Тане, Танаска, Насе, Насте…
Празникот Св. Атанасиј зимен народот го смета за средзимо, па се верува дека главните студови веќе се поминати. Затоа во народното верување тој е победник над силните студови и мразеви кои му се паднале при поделбата на должностите меѓу светците.
Според верувањата на Свети Атанасиј и денот е веќе подолг, од 31 јануари е подолг за еден час.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.