Едното момче имало крварење во стомакот, а другите две се здобиле со тешки повреди на рбетот, градниот кош и главата.

На патот Бујановац – Лучане, вчера на пладне се случи тешка сообраќајна несреќа, во која беа повредени 3 млади момчиња на возраст од 18 и 19 години, од кои двајца во тешка состојба беа пренесени во ургентниот центар во Ниш.

Сообраќајката се случила на патот кон влезот на селото Турија. Повредените прво биле транспортирани во болницата во Врање. Кај едното момче А.С (19) е утврдено крварење во стомакот, а кај В.Ш (19) тешка повреда на рбетот и градниот кош и веднаш од болницата од Врање, биле итно пренесени во Нишката болница.

Третото лице се здобило со повреда на главата, но е во стабилна состојба и задржано е во болницата во Врање, рече доктор Дејан Стојановиќ. Момчињата биле тргнати на прослава за матура.

Исто така минатата недела беа лесно повредени матуранти на патот Белград-Обреновац. Во сообраќајката учествуваа две патнички моторни возила од кои едното со српски, а другото со бугарски регистарски таблици.

До незгодата дошло поради неприлагодена брзина според условите на патот и возење под дејство на алкохол на еден од возачите.