Првите два случаи на омикрон се потврдени во Хрватска.

Нова варијанта на коронавирус е потврдена кај двајца пациенти од Загреб. Засега, како што било речено на прес-конференцијата на првиот човек на СНИЈЗ Крунослав Чапак и епидемиологот Бернард Каиќ, не е потврдено кој им го пренел вирусот, но се знае дека не биле во Јужна Африка.

Началникот на Службата за епидемиологија на заразни болести Бернард Каиќ рече дека пациентите биле учесници на деловен состанок, па постои можност некој од таа средба да бил извор бидејќи имало и странци. „Контактите на заразените се под надзор“, рече тој.

Двајцата пациенти, кај кои е потврден омикрон, имале благи симптоми и двајцата биле вакцинирани.

Сега имаме повеќе од половина од земјите на ЕУ кои прогласија сојот омикрон, како и повеќе од половина од американските држави. Значи, омикрон е веќе низ целиот свет, а имаме два случаи каде што е потврден сојот на омикрон“, рече тој на прес-конференцијата.

Тој изјавил дека Хрватска е една од првите земји во светот и прва меѓу членките на ЕУ која презема мерки за забавување на пристигнувањето на омикрон во земјата.

Но, што знаеме за овој нов сој?

Омикрон сега е потврден во околу 40 земји, но, како што објавила во петокот Светската здравствена организација, досега нема пријавено смртни случаи.

„Не добив никакви информации за смртни случаи поврзани со омикрон“, изјавил на прес-конференција Кристијан Линдмајер, портпарол на организацијата со седиште во Женева.

Организацијата проценува дека ќе бидат потребни неколку недели за да се добие попрецизна слика за можните ефекти на омикрон.

„Прелиминарните податоци укажуваат на поголема заразност, но тоа е сè што знаеме засега“, објаснил Линдмајер.

Научниците од Јужна Африка велат дека најновата варијанта на ковид-19 (омикрон) се чини дека се шири повеќе од двојно побрзо од делтата, која досега се сметаше за најзаразна верзија на вирусот.

„Омикрон се шири толку брзо поради комбинацијата на неговото ниво на заразност и неговата способност да го избегне стекнатиот имунитет. Но, сè уште не знаеме што е поважно. Можно е омикрон всушност да е помалку заразен од делта“, рече математичарот Карл Пирсон од Универзитетот во Лондон, од Факултетот за хигиена и тропска медицина.