Големите компании вложуваат сѐ повеќе и повеќе пари во развој на технологијата за електричните возила кои се повеќе се популарни, а исто така се очекува во наредната деценија постепено да го преземат приматот од возилата на погон на фосилни горива.

Во 2020 година се очекува да има 4 милиони купувачи на електрични возила и плаг-ин хибриди, смета престижната ревизорска компанија Deloitte.

70 % од вкупниот пазар ќе го сочинуваат електричните возила. Економските експерти на Deloitte сметаат дека цената на електричните автомобили уште во 2021 година ќе се изедначи со онаа на возилата на бензински и дизел погон.

Електричен автомобил е автомобил што се движи со помош на еден или повеќе електрични мотори, користејќи ја електричната енергија складирана во батерии или друг уред за складирање на енергија. Електромоторите овозможуваат моментален вртеж на електричните автомобили, со што создаваат силно и рамномерно забрзување.

Електричните автомобили беа популарни во крајот на 19-тиот и почетокот на 20-тиот век, се до напредокот во технологијата за мотори со внатрешно согорување и масовното производство на возила кои работат на поевтин бензин што доведе до пад во употребата на возила со електричен погон.