Млади на возраст од 26 до 28 години  кои се вработени во УБК си заработија кривични пријави.

Вработени во УБК поседувале марихуана во авотмобилото кој го управувале.

Според информациите на МВР, во средата околу 18.20 часот на ул.„Козле“ во Скопје, полициски службеници извршиле преглед на лицата В.П.(28) и Д.Г.(26), двајцата од Скопје, вработени во УБК, кои биле со патничко возило „Опел корса“.

При преглед на лицата и возилото била пронајдена и одземена марихуана.

Двајцата се приведени во полициска станица и по целосно документирање на случајот со соодветен поднесок известено е ОЈО Скопје.

Одделот за внатрешна контрола, криминалистички истраги и професионални стандарди против вработените во УБК поведе постапка за утврдување на дисциплинска одговорност.