Времето во Република Македонија денеска ќе биде сончево и топло со мала до умерена локална облачност и со слаб ветер од јужен правец.

Минималната температура ќе биде во интервал од 4 и 13, а максималната од 22 до 28 степени. Во Скопје ќе биде сончево и топло со температура од 10 до 27 степени.

Во попладневните часови ќе има услови за краткотраен локален дожд и ретки грмежи, особено во јужните делови на земјава.

Ќе продолжи периодот на топло време со натпросечни дневни температури за овој период од годината. Во недела на места ќе има зголемена облачност и услови за слаб локален дожд.

По одделни котлини ќе има услови за појава на слаба утринска магла.