Времето денеска во земјава ќе биде променливо облачно со појава на магла и ниска облачност по одделни котлини.

По одделни котлини во земјава ќе има појава на магла и ниска облачност, а во јужните подрачја ќе има повремен локален дожд, кој во текот на ноќта ќе се прошири и во западните делови, информираат од Управата за хидрометеоролошки работи.

Утринската температура ќе се движи од 1 до 12 степени, а дневната од 9 до 15 степени. Во Скопје времето денеска ќе биде променливо облачно со утринска температура до 7 степени, а дневна температура до 13 степени.

За регионот во кој што влегува и Македонија, според прогнозите се очекува декември да има просечна температура со околу степен и половина над просекот.
Постои и можност на повремено спуштање не екстремно студени воздушни маси од Арктикот кој би ги спуштиле температурите на воздухот и под 20 степени, но ова е сосема нормална појава за нашиот дел од Европа во текот на зимскиот период. Исто така со спуштањето на студените воздушни маси од Арктикот и северот и од североисток од Европа и судирајќи се со топлите морски воздушни струење над нашите краишта, може да се формираат циклонски системи кои условуваат врнежи од снег и вистинска снежна бајка, но ова ќе се случува во првите месеци од следната година.