Времето во земјава денеска ќе биде променливо облачно со услови за краткотраен локален дожд.

До крајот на оваа недела во Македонија ќе преовладува променливо облачно време.
По котлините ќе има услови за појава на утринска магла. Во недела кон крајот на денот се очекуваат нови врнежи од дожд.

Дневната температура ќе се движи во интервал од 15 до 20 степени.
Во Скопје слично време со температура до 18 степени.
Температурите ноќва се над нулата. Најниската е измерена во Маврово 3 степени, а најтопло во Дојран 13 степени.

На повисоките планини веќе падна првиот снег, но метеоролозите од светски познатата страница „Акуведер“ информираат дека во периодот до крајот на ноември на поголемиот дел од територијата на наѓата земја ќе биде невообичаено топло за овој период од годината.