Лидерот на Движењето на Социјалистите, Александар Вулин вечерва изјави дека неговиот избор за директор на Безбедносно-информативната агенција (БИА) е доказ дека странците не носат одлуки во Србија.

„Мојот избор за директор на БИА е доказ дека Александар Вучиќ не попушта под притисок и дека странците не одлучуваат во оваа држава. Можеби на некои им изгледаше дека попуштил на сила и закани, но Вучиќ е човек кој ја слуша и сака само Србија“, изјави Вулин.

Вулин наведува дека Вучиќ еден месец „пуштил моќните амбасадори и нивните газди да мислат дека можат да одлучуваат“.

„Се надевам дека ги научија лекциите. Вучиќ е слободен лидер на слободна нација и додека ја води Србија, и како претседател на Србија и како претседател на сите Срби, странците нема да одлучуваат“, рече Вулин.

Тој нагласи дека ова е негова „последна изјава“, но дека за доброто на Вучиќ и за доброто на Србија мора да каже дека „ги води слободен човек“.