Претседателот на Србија, Александар Вучиќ  вчера пред јавноста истакна дека воопшто не ја разбира но и не ја поддржува идејата за воведување забрана за работа во недела. Тој посочи дека Србија треба да го искористи тоа што нејзината економија се зајакнува побрзо од другите во овој момент и да не запира.

– Не знам чија идеја е тоа. Видов дека Црна Гора и Хрватска го усвоија тоа. Јас сум против. Секој човек би сакал да има загарантирано слободно време. Но, можеш ти, ама немој да ме тераш мене, јас сакам да работам – истакна тој.

Тој истакна дека оваа мерка претходно не се покажа како добра во Црна Гора и во Хрватска.

– Сега кога имаме раст на економијата, треба да го поттикнуваме, да се фалиме дека работиме повеќе, а не помалку. Знам дека никој не сака да го слушне тоа, но тоа е вистина – рече тој.

Вучиќ рече дека освен маркетите има многу поважни претпријатија за економијата што треба да работат во недела, иако тоа не би им се допаѓало на вработените во маркетите.

– Се знае како се плаќа работата во недела. Немојте да спречувате да се работи во недела – порача тој.

Тој посочи дека доколку се воведе оваа мерка во тој случај граѓаните ќе почнат да се бараат да не се работи ни во петок, да не се работи од 7 до 16, потоа од 9 до 17 и така натаму.

– Најдобро да не работиме ништо, а платите да бидат високи. Не мислам дека е реално и никогаш не сум сакал да го мамам народот, такви одлуки не треба да носиме – рече тој.