Претседателот на Србија, Александар Вучиќ, денеска во вонредно обраќање до јавноста изјавил дека Србија обезбедила веројатно 1,8 милиони дози вакцина Фајзер Биотек против коронавирус, но дека се водат дополнителни преговори со руски и кинески компании, затоа што им е потребна поголема количина.
„Заедно со Владата на Србија, тргнавме во потрага по вакцини, односно да ги набавиме најбезбедните вакцини на најбрз начин и да го запреме катастрофалното влијание на коронавирусот врз животот на луѓето во Србија, но и врз економијата.
Ние, најверојатно, обезбедивме 1.800.000 дози биотехнолошка вакцина Фајзер преку системот Ковакс, но исто така преговараме со кинески и руски партнери, бидејќи ни требаат многу поголеми количини.
Планираме да обезбедиме вакцини за целиот здравствен сектор, армијата и полицијата до крајот на јануари“, рекол Вучиќ.
Водечкиот американски експерт за инфективни болести Ентони Фаучи изјави дека резултатите од тестирањето на американската вакцина на компанијата „Модерна“ против коронавирусот можат да бидат одлични.
„Модерна“ наскоро треба да ги објави процените и анализите на податоците добиени во третата фаза од тестирањето на вакцината против коронавирус, а Фаучи вели дека нема да биде изненаден ако резултатите за ефикасноста се слични на вакцината што ја развиваат компаниите „Фајзер“ и „Бионтех“ односно 90 отсто, пренесува „Фајненшл тајмс“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.