На прошталната вечер во Брисел во чест на Федерика Могерини Во Брисел присуствуваа сите лидери на Западен Балкан.

На вечерата присуствуваа претседателите на Србија, Црна Гора и Косово, Александар Вучиќ, Мило Ѓукановиќ и Хашим Тачи, премиерот на Македонија Зоран Заев и членови на Претседателството на БиХ, Милорад Додик, Шефик Џаферовиќ и Жељко Комшиќ. Еди Рама не можеше да присуствува на вечерата поради обврски.

Додека се поздавуваа со „домаќинката “ Федерика, Могерини, српскиот претседател Вучиќ во еден момент видно расположен искоментира

„Хашим, Федерика најмногу сака да те бакне“ “и по неколку секунди додаде дека Тачи се преправал дека не го разбира српскиот.

https://www.youtube.com/watch?v=ft5VEo-vaZw

И премиерот Заев преку својот фејсбук профил упати благодарност до високата преставничка за надворешна политика Федерика Могерини.

,Федерика ни беше поддршка и во моментите на криза и во моментите на успех. Вистинска пријателка на нашиот народ и на целиот Западен Балкан. Вечерва со лидерите од регионот сме собрани во нејзина чест во Брисел, да заокружиме едно сериозно поглавје од нејзината кариера.
Федерика, ти благодариме за посветеноста, твојот ангажман е многу значаен за трансформацијата на Балканот во регион од кој извира мир и стабилност.” , напиша премиерот Заев на ФБ.

Могерини го загуби кормилото во дијалогот меѓу Белград и Приштина

Европските функционери на новинарски прашања често знаат да одговараат со реченицата дека „немаат магична топка“ и не можат да знаат што и кога ќе се случи. Шефицата на дипломатијата на ЕУ во заминување може да каже дека верувала во можноста за остварување на некои од очекуваните позитивни чекори.

„Можеби нема да успеете, но ако сте упорни и јасни во целите, вредностите и принципите, добри резултати понекогаш доаѓаат. Можеби по 25, 7 или само 2 години“, велеше Могерини.

Бриселската дописничка на РТВ Косово, Ѓераќина Тухина смета дека и самата Могерини не беше цврста во принципите кога е во прашање политиката кон регионот, а посебно за дијалогот Белград – Приштина, во кој посредуваше,

„Не се придржуваше кон принципите, зашто мотивација и` беше постигнување договор во текот на нејзиниот мандат. Гласините околу можно добивање Нобелова награда за мир беа некој вид движечка сила нејзиниот приоритет да биде конечно решение по секоја цена во текот на нејзиниот мандат, а квалитетот и последиците на тоа решение да не бидат толку важни“, оценува Тухина.

Тухина, која го следи дијалогот Белград – Приштина од самиот почеток во 2011. година, наведува дека Могерини ги бираше соговорниците во него според лична наклоност („менувајќи формати во зависност од позициите на кои беа нејзините штитеници“, но и менувајќи фази без објаснување што во некоја од нив е постигнато.

Тухина заклучува дека Високата претставничка „му сврте грб на дијалогот“ кога сфати дека конечното решение нема да биде можно во нејзиниот мандат.

„Нормализацијата на односите меѓу Србија и Косово е практично сираче, зашто ’кумата’ дигна раце од крајот на април, од кога беше покрената француско-германската иницијатива, која за главна цел имаше – некако да ја амортизира штетата направена од Могерини во текот на нејзиниот мандат како посредувач“, вели Тухина за ДВ.

Со оваа оценка се согласува и дописникот на Јавниот сервис на Србија.

„Некаде на половина од нејзиниот мандат се појавија знаци дека таа дијалогот ’го испушти од раце’, а во последната година од мандатот, тоа веќе беше очигледно. Личен ангажман, но без доволно лидерство или посветеност работите вистински да се држат под контрола, недостиг на авторитет и поддршка (од некои, но важни) земји – членки, на крајот доведе до неуспех“, вели Гајиќ.

Дали е Борел спремен за Балкан?

По повеќегодишен вербален ентузијазам како за исходот, така и за ангажираноста од двете страни, во последните месеци стана многу очигледно дека Федерика Могерини веќе не го ни споменува дијалогот Белград – Приштина. И БиХ, на која на почетокот од својот мандат Могерини и` порачуваше дека е во „фокусот на политиката на ЕУ“, веќе не беше споменувана. При крајот на мандатот, зборувајќи за резултатите на заедничката надворешна и безбедносна политика на ЕУ кон Балкан, Могерини главно го споменуваше потпишувањето на Преспанскиот договор меѓу Скопје и Атина. Меѓутоа, и покрај толку пофалби, ни во Скопје Могерини не остави посебен впечаток.

Повеќе прочитајте ТУКА