Поради упадот во зградата на РТС во саботата за време на емитувањето на дневникот, покрај осомничените кој ќе одговараат кривично, 6 лица се осудени на 30 дневна затворска казна.

Основниот Суд во Белград, го одби предлогот на основното обвинителство да одреди притвор за тројцата осомничени за насилничкото однесување, кога толпа на повеќе лица насилно влегоа во зградата на радио телевизијата РТС. Осомничените ќе се бранат со слобода.

Одбиен е предлогот за одредување на притвор на  U.S, M.P. i M.Č, рече денеска портпаролката на судот, Бојана Станковиќ.

Обвинети се две лица за внесување на моторни пили во зградата на РТС, а додека пак третиот осомничен е за напад на полицаец. Сите се теретат за кривично дело насилничко однесување на јавен собир.

Поради упадот во РТС, во саботата кога се емитуваше дневникот на РТС, покрај овие осомничени кои ќе одговараат кривично, има одредено 30 дневен притвор и на уште 6 лица поради дрско и безобразно однесување, од Законот на јавен ред и мир, а на уште еден му е одредена парична казна од 20.000 динари.

Претседателот на Србија, Александар Вучиќ рече дека утре ќе ги прегледа сите кривични пријави, но не сака ништо да коментира додека не се запознае со деталите за случајот. Сите се осудени под итна постапка и веќе се сместени во затвор на казна од извршување од 30 дена.

Вистински xaoc се случуваше пред два дена во Белград, Србија откако опозицијата по сценариото од Македонија започна со насилничка „револуција“. Демонстрантите влетаа во државниот телевизиски сервис РТС со моторни пили и почнаа да кршат врати, а надвор гореа неколку автомобили.

Учесниците на протестот “Еден од пет милиони”, кој се предводени од лидерите на опозицијата, yпаднaa во зградата на Радио Телевизија Србија пред неколку денови и побараа вклучување во програмата во живо, за граѓаните да видат што се ќе се случува.

Во зградата на РТС беа присутни припадниците на полицијата, а влезот во зградата на РТС беше блокиран.