Од утре, Германија ќе го ограничи влезот на нејзината територија, по копно, море или воздух, за патниците кои доаѓаат од пет земји кои се сериозно погодени од разни видови на „ковид 19“, соопшти денеска владата.
Одлуката, која важи до 17 февруари, се однесува на Велика Британија, Ирска, Бразил, Португалија и Јужна Африка, со цел „заштита на германското население“, објави Министерството за здравство на Германија.
„Целта на оваа регулатива е да се ограничи ширењето на нови видови на вирус“, објасни Министерството за здравство.
Постојат одредени исклучоци за оваа мерка, односно за Германците кои живеат во тие земји, државјани на тие земји што престојуваат во Германија, патници во транзит или за проток на стока, превоз за медицински цели, се наведува во документот.
Министерот за внатрешни работи Хорст Зехофер рече дека сака да го намали меѓународниот воздушен сообраќај кон Германија на скоро нула поради континуираното ширење на пандемијата, како што тоа веќе го стори Израел.
Веќе неколку месеци влегувањето во Германија станува сè покомплицирано за граѓаните од околу 160 земји во светот, со обврска да поминат негативен PCR-тест за вирусот корона стар помалку од 48 часа или 10-дневен карантински тест по пристигнувањето!
Карантинот може да се скрати на пет дена по друг негативен тест.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.