Германија денеска ја отвори границата со Луксембург и ги намали мерките на неколку други граници со најава дека контролата ќе биде целосно укината на 15 јуни.

Министерот за надворешни работи Хајко Мас го поздрави отворањето на германско-луксембуршката граница како важен знак дека патувањата во Европа се враќаат во нормала!

Контролите на германските граници од денеска нема да бидат систематски, а кон Франција, Австрија и Швајцарија, во договор со овие држави, ќе отпаднат целосно од 15 јуни, ако состојбата со коронавирусот тоа го дозволува!

Германскиот сојузен министер за внатрешни работи Хорст Зехофер на прес конференција во Берлин најави дека поради корона-кризата воведените гранични контроли кон Австрија, Швајцарија и Австрија во основа ќе бидат продолжени, но до 15 јуни.

Но, веќе од денеска на сите германски гранични премини кон овие држави нема веќе да се вршат систематски контроли, туку само поединечни по принцип на случаен избор.