Германскиот Бундестаг заседава, Македонија ќе се најде на дневен ред на 25 и 26 септември

Доколку од Берлин и останатите 27 земји членки се добие позитивна одлука, најпрво ќе се најдат пред Советот на министри на ЕУ на 15 октомври, а нивната одлука, два дена подоцна ќе ја потврди и Европскиот совет.

Фото/Текст извор: ©магазин.мк фото канал 5

Денеска германскиот Бундестаг ги започна есенските сесии но европската агенда на Македонија ќе се најде на дневен ред на 25 и 26 септември, за кога од Владата се надеваат земјава добие зелено светло за преговори.

Во текот на утрешниот ден Никола Димитров, шефот на македонската дипломатија ќе биде во германската престолнина за да ги убеди и последните скептици во редовите на тамошната владејачка коалиција. Димитров и денеска во Брисел реферираше пред постојаните претставници на земјите членки во ЕУ за реформските процеси и потребата на земјава да добие датум идниот месец.

-Дипломатската офанзива, Димитров ја започна во Брисел и во Париз, каде се сретна со државниот секретар во француското министерство за Европа. По средбата, од тамошното МНР соопштија дека од земјава бараат владеење на правото и продолжување на реформската агенда.-МНР.

Средбата даде можност да се разгледаат изгледите на Северна Македонија во ЕУ. Државниот секретар во француското министерство за Европа Амели Мончалин го повтори ставот на Франција за зближување меѓу државите од Западен Балкан и ЕУ и особено ја истакна потребата да се обезбеди целосно почитување на владеењето на правото, што е во срцето на европските вредности и да продолжи со реформите. МНР на Р. Франција.

Позитивната одлука на Германија, како водечка сила во Европа, се очекува да биде јасен сигнал и за останатите земји членки во однос на Македонија. Сепак, се уште останува неизвесен ставот на најголемите скептици на проширувањето, Франција и Холандија, кои и натаму испраќаат воздржани пораки.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.