Најновите економски податоци влеваат надеж дека германската економија може да се врати на нивото како што беше пред кризата со короната на почетокот на 2022 година, изјави министерот за финансии, Олаф Шолц.

Зголемувањето на нивото на државниот долг не претставува проблем бидејќи земјата може да се справи со тоа благодарение на „добриот раст“, ​​рече Шолц.

Тој ги отстрани стравувањата дека државната поддршка вештачки ќе ги одржи во живот компаниите кои имале финансиски потешкотии дури и пред кризата предизвикана од пандемијата на коронавирусите.

Владата, меѓу другото, им дозволи на компаниите да го одложат банкротот до крајот на годината. Досега крајниот рок беше крајот на септември.

Благодарение на таа мерка, бројот на компании кои прогласија несолвентност се намали за шест проценти во првата половина од годинава во споредба со минатата година.
Критичарите предупредуваат дека владата само ја одложила мерката, но не спречила колапс!

Компаниите ги донесуваат потребните одлуки и се прилагодуваат и покрај кризата, рече Шолц.

На пример, многу компании во моментов го намалуваат бројот на вработени и не користат државна помош што ќе им овозможи да ги задржат работниците со скратено работно време, посочи министерот!