Германскиот лекар Стефан Клуге предупредува дека може да има „јо-јо ефект“, сличен на оној како на диетата во случај на вирусот корона.
Во изјава за Хамбургер Абендблат, Клуге рече дека го очекува многу бргу третиот бран на ширење на вирусот корона.
„Ќе видиме јо-јо ефект кога бројките ќе паднат сега и мерките ќе бидат олабавени. Се плашам дека граѓаните повторно ќе бидат несовесни“, предупреди тој.
По првиот бран на пролет, бројките за короната останаа ниски со месеци, но, како што посочува тој, сега не може да се смета.
“Во текот на зимата, луѓето поминуваат повеќе време во затворен простор поради ниските температури. Јас сум загрижен дека ќе следи третиот бран, рече Клуге.
Бројот на лица заразени со коронавирус во светот се зголеми за повеќе од 4 милиони во последната недела, што е најголем број од почетокот на пандемијата. Бројот на починати се зголеми за повеќе од 67.000, соопшти Светската здравствена организација.
Според СЗО, од 16 до 22 ноември во светот се регистрирани 4.060.891 нови случаи на инфекција и 67.221 смрт. Двете бројки се повисоки отколку во претходните седум дена, кога беа откриени 3.977.223 нови случаи и починаа 59.699 лица.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.