Министерот за финансии на Хесе, Томас Шафер се самоуби затоа што бил „длабоко загрижен“ за ефектите од епидемијата на вирусот корона врз економијата, изјави денеска премиерот на покраината, Фолкер Буфија.

Шафер (54), кој беше во брак и имаше две деца, вчера беше пронајден мртов во близина на железничката пруга. Тој беше член на демохристијанската партија (ЦДУ) на канцеларката Ангела Меркел.

Обвинителството од Визбаден го смета за самоубиство.

Најмногу жртви поради последица од корона вирусот има во Италија, кој до сега 756 луѓе починале од коронавирус за еден ден, а пријавени се 5.217 нови случаи.

Вкупно 10.770 луѓе починаа во Италија досега, а бројот на заболени достигна 97.000 лица.
Претходно денеска беше објавено дека во Ломбардија починале 416 лица, а регистрирани се уште 1592 нови случаи, што е намалување во последните два дена.

„Ова е индикација дека го достигнуваме врвот на епидемијата“, рече претседателот на Ломбардија, Атилио Фонтана.