Пратеникот Александар Кирацоски од СДСМ вчера изјави дека не знае кој пратеник стои зад псевдонимот Кики, за кој новинарот Бранко Геровски пишуваше дека изнудувал рекет од повеќе бизнисмени заедно со двајцата обвинети Боки 13 и Зоки Кичеец.

Веднаш после изјавата на поранешниот генерален секретар на СДСМ, Александар Кирацоски, на социјалните мрежи реагираше новинарот Бранко Героски во кој напиша дека тој си пишува разно разни глупости, бидејќи нема попаметна работа.

Кирацовски: “Геро има таму изнапишано разно-разни глупости, како да ти кажам”. Хммммм… И јас така, си пишувам глупости, оти немам попаметна работа… 😎

Александар Кирацоски изјави дека не знае кој пратеник стои зад псевдонимот Кики, а за Коки мисли дека е Боки 13.

Коки? Па веројатно Боки. Не знам кој е Кики, вие мислите дали станува збор за мене? Ќе видиме Геро на кого мисли. Апсолутно јас не се препознавам, Геро има таму изнапишано разно-разни глупости, како да ти кажам. Не знам. Ти ми се јавуваш и прашуваш ‘Кого препознаваш во Кики’ и тоа мене јасно ми алудира. Дај Боже нека објави Геро дека јас сум Кики па да се расчистиме до крај, како што личи. Инаку ова мене ми личи на инсинуација со одредена намера, вели Кирацовски во изјава за „А1он“, додавајќи дека причините за инсинуација се долги и широки.