Денеска, сабота, 5 октомври, ќе објавам колумна за фракционерското движење во ВМРО-ДПМНЕ, но и за можните импликации на незадоволството во СДСМ од партиското раководство во пресрет на изборите, на кои се очекува рекордна апстиненција, пишува на социјалните мрежи новинарот Бранко Героски.

Како што пишува Героски најавата ја објавува за навреме да се организира првата борбена линија.

ДРУГАРЧИЊА, НА ГОТОВС!
Денеска, сабота, 5 октомври, ќе објавам колумна за фракционерското движење во ВМРО-ДПМНЕ, но и за можните импликации на незадоволството во СДСМ од партиското раководство во пресрет на изборите, на кои се очекува рекордна апстиненција.

Најавата ја објавувам за навреме да се организира првата борбена линија. Тричко од Погребалното на мртва стража! Сале Мутави дежурни у спаваона! Ботовите на располагање на повик!

Новинарот Бранко Героски минатиот месец објави статус со кој повика да се крене рачна со заканите од страна на политичарите во земјата кон медиумите и новинарите.

Оваа реакција на Героски доаѓа откако премиерот Зоран Заев јавно изјави дека ќе ги тужи сите медиуми кои објавувале информации за случајот Рекет. Тој ги повика и министрите Никола Димитров, Радмила Шекеринска исто така да му се придружат.